Франциянинг «ПСЖ» клуби УЕФА Чемпионлар лигаси тарихида янги рекорд ўрнатди.
Парижликлар мусобақа умумий босқичи 4-туридан ўрин олган «Вильярреал»га қарши сафар учрашувида дастлабки 17 дақиқа ичида рақиб дарвозасига тўртта гол урди.
9-дақиқада Жоау Невеш ҳисобни очган бўлса, 12-дақиқада Дезире Дуэ жамоасининг устунлигини оширди. Орадан атиги бир дақиқа ўтгач, Санни Маюлу учинчи голни киритди. 17-дақиқада эса Фабиан Руис ҳисобни 4:0 кўринишига келтирди.
Шу тариқа, «ПСЖ» Чемпионлар лигаси тарихида битта ўйин давомида тўртта голни энг тез урган жамоага айланди.
Бунгача мазкур рекорд Мадриднинг «Реал» клубига тегишли эди. Испания гранди 2011 йилнинг 22 ноябрь куни Загребнинг «Динамо» жамоасига қарши баҳсда 20-дақиқага келиб тўртта гол уришга муваффақ бўлган.
«ПСЖ» эса ушбу натижани уч дақиқага яхшилаб, янги рекорд ўрнатди. Эътиборлиси, Париж клуби бундай тарихий кўрсаткичга сафар учрашувида эришди.
«Вильярреал»га қарши баҳснинг биринчи бўлими «ПСЖ» фойдасига 4:0 ҳисобида якунланди.
