Foot Mercato nashrining xabar berishicha, Farid Tabet Zinedin Zidanning Fransiya terma jamoasidagi murabbiylar shtabiga qo‘shilishga yaqin turibdi.

Fransiya futbol federasiyasi va «Le-Kanne-Roshvil» klubi sobiq murabbiyi o‘rtasidagi muzokaralar ilg‘or bosqichda ekani, tez orada yakuniy kelishuvga erishilishiga ishonch ortib borayotgani aytilmoqda.

28 iyul kuni Fransiya terma jamoasi bosh murabbiyi sifatida tanishtiruv marosimida Zidan «Real»da birga ishlagan murabbiylar shtabining katta qismini qayta to‘plash, shuningdek, «ikki yoki uchta» yangi nomlarni qo‘shish niyatida ekanini oshkor qilgan edi.

Tabet Fransiya futbolida hurmatga sazovor shaxs hisoblanadi, u 2011 yildan 2024 yilgacha bo‘lgan davrda ikki bosqichda salkam o‘n yil davomida «Le-Kanne-Roshvil»ni boshqargan.

2024 yilda u Zidanning «Real»dagi ikkala faoliyat davrida ham yonida bo‘lgan eng yaqin yordamchilaridan biri — David Bettoniga Tunisning «Klub Afriken» jamoasida assistent sifatida qo‘shilgan edi.

Aynan shu aloqa Tabetning Zidanning yaqin atrofidagi insonlar bilan munosabatini mustahkamlagani va Fransiya terma jamoasidagi lavozimga yo‘l ochgani aytilmoqda.