«Inter Mayami»ning biznes operasiyalari bo‘yicha prezidenti Xavyer Asensi jamoa hujumchisi Lionel Messi kelajakda futbolchilik faoliyatini yakunlaganidan so‘ng klubda qanday rol bajarishi mumkinligi haqida gapirdi.
«Messi endi futbol o‘ynamaydigan vaqt keladi. Bu haqda gapirish og‘ir, ammo bu aniq: u yana 15 yil davomida futbol o‘ynay olmaydi. Leoning faoliyatidan keyingi davr haqida o‘ylamaslik bema’nilik bo‘lar edi. Ammo u futbol o‘ynashni xohlar ekan, maydonga tushaversin. U qachon faoliyatini yakunlashni mustaqil hal qilish huquqini boshqalardan ko‘ra ko‘proq haqli.
G‘oya shundan iboratki, Messi faoliyatini yakunlaganidan keyin ham o‘zini «Inter»ga bag‘ishlashda davom etish imkoniyatiga ega bo‘ladi. Hozirgi qoidalarga ko‘ra, u klubning hammuassisi bo‘la olmaydi, chunki MLS qoidalari bunga ruxsat bermaydi. Ammo u futbol o‘ynashni to‘xtatishi bilanoq «Inter» aksiyadorlaridan biriga aylanadi», — deya Asensining so‘zlarini Marca keltirgan.
