«Barselona» hujumchisi Ferran Torres faoliyatini «Pari Sen-Jermen»da davom ettiradi.

26 yoshli futbolchining transfer shartlari bo‘yicha klublar o‘rtasida og‘zaki kelishuvga erishildi, deb xabar beradi jurnalist Santi Auna. «PSJ» ispaniyalik futbolchi uchun bonuslarni hisobga olgan holda 55 million yevro atrofida mablag‘ to‘laydi. Endi faqat hujjatlar bilan bog‘liq rasmiyatchiliklarni hal qilish qoldi, shundan so‘ng o‘yinchi tibbiy ko‘rikdan o‘tadi va parijliklar bilan shartnoma imzolaydi.

Avvalroq «PSJ»ning Torresning o‘zi bilan kelishuvga erishgani haqida xabarlar paydo bo‘lgan edi. Hujumchining «Barselona» bilan mehnat shartnomasi kelgusi yilning o‘rtalarida tugaydi, bu esa, albatta, bitim qiymatiga ta’sir ko‘rsatdi. Ferran 2022 yilning boshidan beri «ko‘k-anorranglilar» sharafini himoya qilib kelmoqda.