«Milan» hujumchisi Kristofer Nkunku «Galatasaroy» bilan muzokara olib bormaslikka qaror qildi.
Turkiya klubi fransiyalik futbolchi bo‘yicha so‘rov yuborgan, ammo Nkunku bu transferga qiziqmayotganini darhol ma’lum qilgan. Bu haqda jurnalist Janluiji Longari xabar bermoqda.
Hujumchining «RB Leypsig»ga qaytish varianti hamon dolzarb bo‘lib turibdi. Shu bilan birga, Nkunkuga boshqa klublar ham qiziqish bildirmoqda va futbolchi hali yakuniy qaror qabul qilmagan.
Avvalroq «Milan» joriy transfer oynasida Kristofer Nkunku bilan xayrlashishga tayyor ekani ma’lum bo‘lgan edi.
28 yoshli futbolchining «rossoneri» bilan amaldagi shartnomasi 2030 yilning yoziga qadar mo‘ljallangan. Transfermarkt portali uning transfer qiymatini 25 million yevroga baholamoqda.
