«Милан» ҳужумчиси Кристофер Нкунку «Галатасарой» билан музокара олиб бормасликка қарор қилди.

Туркия клуби франциялик футболчи бўйича сўров юборган, аммо Нкунку бу трансферга қизиқмаётганини дарҳол маълум қилган. Бу ҳақда журналист Жанлуижи Лонгари хабар бермоқда.

Ҳужумчининг «РБ Лейпциг»га қайтиш варианти ҳамон долзарб бўлиб турибди. Шу билан бирга, Нкункуга бошқа клублар ҳам қизиқиш билдирмоқда ва футболчи ҳали якуний қарор қабул қилмаган.

Аввалроқ «Милан» жорий трансфер ойнасида Кристофер Нкунку билан хайрлашишга тайёр экани маълум бўлган эди.

28 ёшли футболчининг «россонери» билан амалдаги шартномаси 2030 йилнинг ёзига қадар мўлжалланган. Transfermarkt портали унинг трансфер қийматини 25 миллион еврога баҳоламоқда.