«Manchester Siti» vingeri Jeremi Doku yana jarohat oldi va endi bir necha hafta maydonga tushmasligi mumkin. Belgiyalik futbolchi Angliya Superkubogi doirasida «Arsenal»ga qarshi o‘yinda shikastlangan. Bu haqda Nieuwsblad xabar berdi.
Manba ma’lumotiga ko‘ra, 24 yoshli futbolchi yaqin turda «Bornmut»ga qarshi bahsda aniq ishtirok etmaydi.
«Manchester Siti»dagilar Dokudagi hozirgi jarohat jahon chempionatidan keyin paydo bo‘lgan muammolar bilan bog‘liq bo‘lishi mumkin, deb hisoblamoqda. Turnirdan so‘ng futbolchi og‘ir virusli infeksiyani boshdan kechirgan va to‘pig‘idan jarohat olgan. Shu sababli u yangi mavsumga to‘laqonli tayyorgarlik ko‘ra olmagan.
Endi Doku tiklanish kursidan o‘tadi. Belgiyalik futbolchining maydonga qaytish muddati jarohatning xususiyati va davolanish jarayoni qanday kechishiga bog‘liq bo‘ladi.
