«Манчестер Сити» вингери Жереми Доку яна жароҳат олди ва энди бир неча ҳафта майдонга тушмаслиги мумкин. Бельгиялик футболчи Англия Суперкубоги доирасида «Арсенал»га қарши ўйинда шикастланган. Бу ҳақда Nieuwsblad хабар берди.
Манба маълумотига кўра, 24 ёшли футболчи яқин турда «Борнмут»га қарши баҳсда аниқ иштирок этмайди.
«Манчестер Сити»дагилар Докудаги ҳозирги жароҳат жаҳон чемпионатидан кейин пайдо бўлган муаммолар билан боғлиқ бўлиши мумкин, деб ҳисобламоқда. Турнирдан сўнг футболчи оғир вирусли инфекцияни бошдан кечирган ва тўпиғидан жароҳат олган. Шу сабабли у янги мавсумга тўлақонли тайёргарлик кўра олмаган.
Энди Доку тикланиш курсидан ўтади. Бельгиялик футболчининг майдонга қайтиш муддати жароҳатнинг хусусияти ва даволаниш жараёни қандай кечишига боғлиқ бўлади.
