Madridning «Atletiko» klubi hujumchisi Xulian Alvares yana Londonning «Arsenal» klubi transfer nishoniga aylanishi mumkin.
Argentinalik forvard Vinisius Juniorning barbod bo‘lgan transferidan so‘ng «kanonirlar» uchun ustuvor variant edi. Futbolchi faqat «Barselona»ga o‘tishni xohlayotgani aniq bo‘lgach, «Arsenal»ning qiziqishi susaygan edi. Biroq endi vaziyat o‘zgarishi mumkin: jurnalist Migel Dileynining ma’lumotlariga ko‘ra, transfer oynasi yopilgunga qadar londonliklarda 26 yoshli futbolchini o‘z safiga qo‘shib olish imkoniyati paydo bo‘lishi mumkin, chunki «Atletiko» uni prinsipial ravishda «Barselona»ga qo‘yib yubormaydi. Madridliklar xorij klublaridan tushadigan takliflarni ancha mamnuniyat bilan ko‘rib chiqishga tayyor.
Transfermarkt mutaxassislarining baholashicha, Xulian Alvaresning bozor qiymati 120 million yevroni tashkil etadi.
