Мадриднинг «Атлетико» клуби ҳужумчиси Хулиан Альварес яна Лондоннинг «Арсенал» клуби трансфер нишонига айланиши мумкин.
Аргентиналик форвард Винисиус Жуниорнинг барбод бўлган трансферидан сўнг «канонирлар» учун устувор вариант эди. Футболчи фақат «Барселона»га ўтишни хоҳлаётгани аниқ бўлгач, «Арсенал»нинг қизиқиши сусайган эди. Бироқ энди вазият ўзгариши мумкин: журналист Мигель Дилейнининг маълумотларига кўра, трансфер ойнаси ёпилгунга қадар лондонликларда 26 ёшли футболчини ўз сафига қўшиб олиш имконияти пайдо бўлиши мумкин, чунки «Атлетико» уни принсипиал равишда «Барселона»га қўйиб юбормайди. Мадридликлар хориж клубларидан тушадиган таклифларни анча мамнуният билан кўриб чиқишга тайёр.
Transfermarkt мутахассисларининг баҳолашича, Хулиан Альвареснинг бозор қиймати 120 миллион еврони ташкил этади.
