"Chelsi" bosh murabbiyi Xabi Alonso futbolning go‘zalligi nimada ekani haqida o‘z fikrlarini bildirdi. Ispaniyalik mutaxassis yangi mavsum oldidan London klubida o‘z g‘oyalarini tatbiq etishga kirishgan.
"Men uchun futbolning go‘zalligi — futbolchilarning maydondagi erkinligida. Mashg‘ulotlarda juda ko‘p narsalar ustida ishlash mumkin, ammo shunday vaziyatlar borki, ularni oldindan mashq qilib bo‘lmaydi. Bunday lahzalar futbolchilarning iqtidori tufayli o‘z-o‘zidan yuzaga keladi.
Biz, murabbiylar, ko‘pincha hamma narsani to‘liq nazorat qilishga harakat qilamiz. Ammo ba’zida o‘yin davomida shunday lahza keladiki, siz endi hech narsani nazorat qila olmaysiz. Shunda faqat: "Xo‘sh, ko‘ramiz, nima bo‘lar ekan", deb o‘ylaysiz", — dedi Alonso.
Xabi Alonso yozda "Chelsi" bosh murabbiyiga aylandi. U o‘tgan mavsumni Madridning "Real" klubi bosh murabbiyi sifatida boshlagan, ammo 2026 yil yanvarda Ispaniya klubini tark etgan edi.
