«Al-Hilol»ning yangi futbolchisi Olli Uotkins jamoa safidagi debyut o‘yinida gol urishga muvaffaq bo‘ldi.
30 yoshli angliyalik hujumchi Saudiya Arabistoni chempionati doirasida «Al-Ahli»ga qarshi uchrashuvda tanaffusdan so‘ng zaxiradan maydonga tushdi. 86-daqiqada esa qanotdan uzatilgan to‘pni bosh bilan aniq yo‘llab, Ar-Riyod klubi safidagi ilk golini urdi.
«Al-Hilol» Olli Uotkinsni avgust oyi oxirida «Aston Villa»dan 58,4 million yevro evaziga sotib olgan edi. Hujumchi «villanlar» sharafini olti yil davomida himoya qilgan.
Simone Indzagi jamoasi hozircha chempionatda ochko yo‘qotgani yo‘q. Amaldagi vise-chempionlar to‘rt turdan keyin 12 ochko jamg‘argan. Amaldagi chempion «Al-Nasr» hisobida ham shuncha ochko bor.
