Toshkentning «Paxtakor» klubi joriy mavsumning qolgan qismi uchun yangi libosini taqdim etdi.
Yangi forma klub uchun an’anaviy hisoblangan sariq rangda ishlangan. «Paxtakor» mavsumning qolgan uchrashuvlarida aynan shu libosdan foydalanishni rejalashtirmoqda.
Eslatib o‘tamiz, jamoa joriy mavsum davomida uy uchrashuvlarida ko‘k, safar bahslarida esa oq rangli liboslarda maydonga tushib kelayotgan edi.
«Paxtakor» yangi sariq libosini OCHL Elit pley-off bosqichidagi uchrashuvda sinovdan o‘tkazishga ham ulgurdi.
Klub mazkur libosni rasman Ligaga taqdim etdi va mavsumning qolgan qismida sariq rangli formadan foydalanishini ma’lum qildi.
