Тошкентнинг «Пахтакор» клуби жорий мавсумнинг қолган қисми учун янги либосини тақдим этди.
Янги форма клуб учун анъанавий ҳисобланган сариқ рангда ишланган. «Пахтакор» мавсумнинг қолган учрашувларида айнан шу либосдан фойдаланишни режалаштирмоқда.
Эслатиб ўтамиз, жамоа жорий мавсум давомида уй учрашувларида кўк, сафар баҳсларида эса оқ рангли либосларда майдонга тушиб келаётган эди.
«Пахтакор» янги сариқ либосини ОЧЛ Элит плей-офф босқичидаги учрашувда синовдан ўтказишга ҳам улгурди.
Клуб мазкур либосни расман Лигага тақдим этди ва мавсумнинг қолган қисмида сариқ рангли формадан фойдаланишини маълум қилди.
