Darvozabon Tibo Kurtua «Real» bilan yangi shartnoma imzolashga juda yaqin. The Touchline xabariga ko‘ra, mehnat shartnomasini uzaytirishdan oldin tomonlarga faqat bir nechta tafsilotni kelishib olish qolgan.

«Real» Kurtuaning o‘yinidan mamnun va belgiyalik darvozabon yangi shartnomaga munosib deb hisoblamoqda.

Tibo Kurtuaning amaldagi mehnat shartnomasi 2026/2027 yilgi mavsum yakuniga qadar amal qiladi. Belgiyalik darvozabon «Real» safida 339 ta uchrashuv o‘tkazib, 330 ta gol o‘tkazib yuborgan.

«Real» shanba kuni o‘z maydonida «Rayo Valyekano»ni 4:1 hisobida mag‘lub etdi. Endi Joze Mourinyu jamoasi safarda «Elche»ga qarshi o‘yinga tayyorgarlik ko‘radi.