Ayni damda «Inter Mayami» «Krus Asul»ga qarshi Kampeones kubogi doirasidagi uchrashuvda maydonga tushmoqda. Xabar yozilayotgan vaqtda birinchi bo‘lim yakunlangan va «Inter Mayami» 1:0 hisobida oldinda bormoqda.
Uchrashuvdagi yagona golni argentinalik hujumchi Lionel Messi urdi. Bu gol Messi uchun «Inter Mayami» safidagi 100-gol bo‘ldi.
Argentinalik futbolchi 2023 yildan buyon «Inter Mayami» sharafini himoya qilib kelmoqda. Uning klub bilan shartnomasi 2028 yilgacha amal qiladi.
Kampeones kubogi (Campeones Cup) — har yili o‘tkaziladigan bir o‘yindan iborat turnir bo‘lib, unda AQSH MLS chempionligi sohibi va Meksika Liga MX musobaqasining «Chempionlar chempioni» kubogi g‘olibi o‘zaro bahs olib boradi.
