Londonning «Chelsi» klubi bosh murabbiyi Xabi Alonso «Real» yarim himoyachisi Arda Gyuler transferiga qiziqish bildirmoqda. Bu haqda TEAMtalk xabar berdi.
Manba ma’lumotiga ko‘ra, «Chelsi» yozgi transfer oynasida Morgan Rojersni xarid qilganiga qaramay, Gyulerga bo‘lgan qiziqishini saqlab qolgan.
Qayd etilishicha, Xabi Alonso Angliya terma jamoasi yarim himoyachisi Rojers transferidan oldin ham Gyulerni o‘z jamoasida ko‘rishni istagan.
Shu bilan birga, «Real» bosh murabbiyi Joze Mourinyu Gyulerga o‘yin amaliyoti borasida hech qanday kafolat bermagan. Portugaliyalik mutaxassis jamoadagi barcha futbolchilarga teng munosabatda bo‘lishini ta’kidlamoqda.
21 yoshli turkiyalik yarim himoyachi joriy mavsum Ispaniya chempionatida 6 ta uchrashuv o‘tkazib, 1 ta gol urdi va 3 ta golli uzatma amalga oshirdi.
