Bugun, 20 sentyabr kuni Ispaniya chempionati doirasida «Atletiko» va «Real» o‘rtasida Madrid derbisi bo‘lib o‘tadi. Uchrashuv Toshkent vaqti bilan soat 19:15 da boshlanadi.

Tahlilchilar Madridning «Real» klubi g‘alabasini 47,4 foiz ehtimol bilan baholamoqda. «Atletiko»ning g‘alaba qozonish imkoniyati 27 foizni, durang ehtimoli esa 25,6 foizni tashkil etmoqda.

Jamoalar o‘rtasidagi so‘nggi o‘zaro uchrashuv 2026 yil 22 mart kuni bo‘lib o‘tgan. O‘sha bahsda «Real» o‘z maydonida 3:2 hisobida g‘alaba qozongan.