Madridning «Real» klubi markaziy himoyachi Ibraima Konatening jarohati bo‘yicha rasmiy ma’lumot berdi.
«Bugun o‘tkazilgan tibbiy tekshiruvlar natijasida futbolchimiz Ibraima Konatening o‘ng oyog‘idagi kollateral bog‘lam shikastlangani aniqlandi. Tashxis bo‘yicha qo‘shimcha tekshiruvlar davom etmoqda», — deyiladi klub bayonotida.
Avvalroq Konate jarohati sabab Fransiya terma jamoasi tarkibidan chiqarilgan edi.
Fransiyalik himoyachi joriy mavsumdan «Real» safida to‘p surmoqda. U hozirga qadar La Liga va Chempionlar ligasini qo‘shib hisoblaganda 7 ta uchrashuvda maydonga tushgan.
Konate bungacha Angliyaning «Liverpul» klubida besh yil davomida o‘ynagan.
