«Barselona» bosh murabbiyi Xans-Diter Flik Ispaniya terma jamoasi yig‘inidan qaytgach, Lamin Yamal bilan suhbatlashmoqchi.
Nemis mutaxassisi futbolchining «Oltin to‘p» atrofidagi gap-so‘zlardan chalg‘ib, diqqatini o‘yinga yo‘qotib qo‘yishidan xavotirda.
Yamal bir necha bor ushbu sovringa munosib ekanini aytgan. Flik esa bu mavzu uning o‘yini va maydondagi konsentrasiyasiga ta’sir qilmasligiga ishonch hosil qilmoqchi.
El Nacional yozishicha, murabbiy Yamal «Oltin to‘p»ni maqsad emas, balki maydondagi yuqori darajadagi o‘yinlarning natijasi sifatida qabul qilishini istamoqda.
