"Inter Mayami"ning MLSdagi g‘alabasiz seriyasi 5 ta o‘yinga yetdi.

Jamoa safarda "Kolambus"ga 1:2 hisobida mag‘lub bo‘ldi. Lionel Messi jarima zarbasidan gol urganiga qaramay, floridaliklar ochko olishga muvaffaq bo‘la olmadi.

Bunga qadar "Inter Mayami" ketma-ket 4 ta uchrashuvda durang qayd etgan edi.

Jamoa 27 ta o‘yindan 46 ochko to‘plab, Sharqiy konferensiya turnir jadvalida 3-o‘rinni egallab turibdi. So‘nggi 10 ta uchrashuvda "Inter Mayami" atigi bir marta g‘alaba qozongan.

Ushbu o‘yinda klub durangli seriyasini 5 ta bahsga yetkazishi mumkin edi, ammo ikkinchi bo‘limga qo‘shib berilgan 8-daqiqada hal qiluvchi golni o‘tkazib yubordi.

"Kolambus"ning ispaniyalik yarim himoyachisi Brais Mendes zarba berdi. "Inter Mayami" darvozaboni Rokko Rios to‘pni qaytardi, ammo to‘pni birinchi bo‘lib yetib kelgan senegallik Jamal Tiare darvozaga joylab qo‘ydi.

"Inter Mayami" futbolchilari ehtimoliy ofsaydga ishora qilib, hakamga faol e’tiroz bildirishdi. VAR orqali vaziyat ko‘rib chiqilganidan so‘ng bosh hakam Viktor Rivas golni hisobga oldi.

Hakamning qarori "Inter Mayami" murabbiylar shtabida keskin norozilikka sabab bo‘ldi. Bosh murabbiy Kili Gonsales hakam bilan tortishgani uchun sariq kartochka oldi.

Shu paytga kelib "Inter Mayami" maydonda 10 kishi bo‘lib qolgan edi. Yarim himoyachi Santyago Morales qo‘shib berilgan vaqtda ikki marta sariq kartochka olib, maydondan chetlatilgan edi.