Myunxenning "Bavariya" klubi sobiq sardori Tomas Myuller "Vankuver Uaytkeps" bilan shartnomasini uzaytirdi. Bu haqda Kanada klubi matbuot xizmati xabar berdi.

Yangi kelishuv 2027 yilgi qisqartirilgan mavsum yakuniga qadar amal qiladi. Bunday format liganing "kuz-bahor" tizimiga o‘tishi bilan bog‘liq.

"Bu yerga kelgan birinchi kunimdanoq vaqtni mamnuniyat bilan o‘tkazyapman. Klub menga juda e’tiborli va iliq munosabatda bo‘ldi. Biz to‘pga egalik qilishga asoslangan hujumkor futbol o‘ynaymiz. Bunday uslubda o‘ynash ham, tomosha qilish ham zavqli. Menimcha, muxlislar ham xursand", — dedi nemis futbolchisi yangi shartnoma haqida.

Joriy mavsumda Germaniya tarixidagi eng sovrindor futbolchi 32 ta uchrashuvda maydonga tushib, 10 ta gol urdi va 6 ta golli uzatma amalga oshirdi.