Angliyaning «Bornmut» klubi yarim himoyachisi Aleks Skott Madridning «Real» klubi transfer maqsadiga aylanishi mumkin. Bu haqda Tribal Football xabar berdi.
«Qirollik klubi» «Bornmut»dan 23 yoshli ingliz yarim himoyachisini sotishga qaror qilingan taqdirda, bu haqda birinchi bo‘lib xabar olish huquqini so‘ragan.
Manbaga ko‘ra, Madrid klubi futbolchi uchun birinchi da’vogarlar qatoriga kirishni istamoqda. Shu bilan birga, Aleks Skott yaqinda «Bornmut»ning shartnomani uzaytirish bo‘yicha taklifini rad etgan. Klubning o‘zi esa futbolchi sotilmasligini bildirmoqda.
Agar transfer amalga oshishi mumkin bo‘lsa, «Chelsi» ham futbolchini xarid qilishga asosiy da’vogarlardan biri sifatida qaralmoqda.
Joriy mavsumda Aleks Skott klub safida 6 ta o‘yinda ishtirok etib, 1 ta gol urdi va 2 ta golli uzatmani amalga oshirdi. Transfermarkt yarim himoyachining bozor qiymatini 50 million yevro deb baholamoqda.
