Argentina terma jamoasi himoyachisi Nikolas Otamendi hamyurti va jamoadoshi Lionel Messi haqida fikr bildirdi. Avvalroq har ikki futbolchi milliy jamoa safidagi so‘nggi uchrashuvini o‘tkazgan, mazkur bahsda Lionel Skaloni shogirdlari Beninni 3:0 hisobida mag‘lub etgan edi.
"U juda oddiy va kamtar inson. Bu uning so‘nggi o‘yini bo‘lganini o‘ylashning o‘zi menda alohida his-tuyg‘ular uyg‘otadi. Biz bu kun qachondir kelishini bilardik, ammo baribir katta hayajon bilan o‘ynadik.
Bu bir vaqtning o‘zida ham qayg‘uli, ham quvonchli. Chunki xayrlashuv aynan Leo munosib bo‘lgan tarzda o‘tdi", — deya Otamendining so‘zlarini TyC Sports keltirdi.
Messi 2005 yildan buyon Argentina terma jamoasi safida to‘p surib kelgan. Shu vaqt mobaynida u 208 ta uchrashuv o‘tkazib, 126 ta gol urdi va 69 ta golli uzatmani amalga oshirdi.
Lionel Messi Argentina terma jamoasi bilan jahon chempioni bo‘ldi, ikki marta Amerika kubogini qo‘lga kiritdi va Finalissima sovrini sohibiga aylandi.
