Hujumchi Kilian Mbappening «Real» futbolchilari orasida deyarli do‘stlari yo‘q. Bu haqda jurnalist Ivan Martin xabar berdi.
Manba ma’lumotiga ko‘ra, fransuz futbolchisining Madrid klubidagi aksariyat jamoadoshlari bilan munosabatlari faqat professional doirada qolmoqda. «Real»ning ayrim futbolchilari Mbappening xatti-harakatlari va xulq-atvorini shunchaki tushunmaydi hamda u bilan muloqot qilganda hayron qolishadi.
Kilian Mbappe joriy mavsumda «Real» safida 8 ta uchrashuvda maydonga tushib, 8 ta gol urdi va 2 ta golli uzatmani amalga oshirdi. Uning «qirollik klubi» bilan shartnomasi 2029 yil 30 iyuniga qadar amal qiladi.
