Dortmundning «Borussiya» klubi Germaniya Bundesligasi doirasida «Verder»ga qarshi uchrashuvda ikki to‘p farqi bilan oldinda borayotganiga qaramay, g‘alabani qo‘ldan chiqardi. Bahs 2:2 hisobidagi durang bilan yakunlandi.
Uchrashuvning 80-daqiqasida Daniel Svensson mezbonlarni oldinga olib chiqdi. 85-daqiqada esa Niko Shlotterbek ustunlikni ikki to‘pga yetkazdi.
Biroq 87-daqiqada Lyudovit Reys hisobdagi farqni qisqartirdi. 90+2-daqiqada Niklas Fyullkrug jarima zarbasidan keyin bosh bilan gol urib, muvozanatni tikladi.
«Bunday vaziyatda o‘yinga qayta olish jamoaning aqlbovar qilmas darajadagi fidoyiligini ko‘rsatadi.
Karl Xeyn ajoyib uchrashuv o‘tkazdi.
Qaysidir lahzada bizda go‘yo ikkinchi nafas ochildi va yanada jasurroq harakat qila boshladik.
Menimcha, butun uchrashuv davomida so‘nggi daqiqalardagidek o‘ynash mumkin emas. Aks holda, raqibning xavfli qarshi hujumlariga duch kelish mumkin», — deya Fyullkrugning so‘zlarini keltiradi Sky.
Ayni paytda «Borussiya» 13 ochko bilan Bundesliga turnir jadvalida birinchi o‘rinni egallab turibdi.
10 tadan ochko jamg‘argan «Bavariya» va «Frayburg» Dortmund klubiga nisbatan bittadan kam o‘yin o‘tkazgan.
«Verder» esa 8 ochko bilan turnir jadvalida to‘rtinchi o‘ringa ko‘tarildi.
