«Barselona» bosh murabbiyi Xans-Diter Flik jamoada yetarlicha e’tirof etilmayotgan futbolchi haqida fikr bildirdi.
Kataloniyaliklar shanba kuni Ispaniya La Ligasining 8-turidan o‘rin olgan uchrashuvda «Xetafe»ni 3:0 hisobida mag‘lub etdi.
Bahsdan keyingi matbuot anjumanida germaniyalik mutaxassis asosiy tarkibda maydonga tushib, uchrashuvni to‘liq o‘tkazgan himoyachi Jerar Martinning harakatlarini alohida e’tirof etdi.
«Menimcha, Jerar o‘zi munosib bo‘lgan darajada e’tirof etilmayapti», — deya Flikning so‘zlarini keltiradi BarcaTimes.
Qayd etish joiz, «Xetafe»ga qarshi bahs 24 yoshli ispaniyalik futbolchi uchun «Barselona»ning asosiy jamoasi safidagi 100-uchrashuv bo‘ldi.
Martin shu vaqtga qadar barcha musobaqalar doirasida bitta gol urib, yettita golli uzatma muallifi bo‘lgan.
Avvalroq chap qanot himoyachisi sifatida harakat qilgan futbolchi keyinchalik markaziy himoyachi pozisiyasiga moslashgan.
