Vinchenso Montella bosh murabbiylik lavozimidan bo‘shatilganidan so‘ng Turkiya terma jamoasi muxlislariga minnatdorchilik bildirdi. Italiyalik mutaxassis Millatlar ligasi boshida ketma-ket to‘rtta mag‘lubiyatdan keyin shu hafta jamoani tark etdi.
«Har bir tarixning yakuni bor, ammo bosib o‘tilgan ayrim yo‘llar futboldan tashqarida ham chuqur iz qoldiradi», — deb yozdi Montella ijtimoiy tarmoqlarda.
«Futbolchilarga fidoyiligi va ishga bo‘lgan sadoqati uchun minnatdorchilik bildiraman. Faoliyatim yakunlanganidan so‘ng ulardan ko‘plab samimiy xabarlar oldim. Bu esa o‘rtamizdagi mustahkam aloqani yana bir bor tasdiqladi.
Butun dunyo bo‘ylab o‘z ishtiyoqi va qo‘llab-quvvatlashi bilan ajralib turgan muxlislarga alohida rahmat aytaman. Biz birgalikda unutilmas lahzalarni boshdan kechirdik, tarixiy yutuqlarga erishdik, qiyinchiliklarni yengib o‘tdik va bu mamlakat tarixidagi alohida sahifani yozdik. Bu xotiralar va turk xalqining mehrini qalbimda abadiy saqlayman».
Montella 2023 yildan buyon Turkiya terma jamoasini boshqarib kelayotgan edi. U jamoa bilan birga Yevro-2024 va 2026 yilgi Jahon chempionatiga saralash bosqichlarida muvaffaqiyatli ishtirok etgan.
