Винченцо Монтелла бош мураббийлик лавозимидан бўшатилганидан сўнг Туркия терма жамоаси мухлисларига миннатдорчилик билдирди. Италиялик мутахассис Миллатлар лигаси бошида кетма-кет тўртта мағлубиятдан кейин шу ҳафта жамоани тарк этди.
«Ҳар бир тарихнинг якуни бор, аммо босиб ўтилган айрим йўллар футболдан ташқарида ҳам чуқур из қолдиради», — деб ёзди Монтелла ижтимоий тармоқларда.
«Футболчиларга фидойилиги ва ишга бўлган садоқати учун миннатдорчилик билдираман. Фаолиятим якунланганидан сўнг улардан кўплаб самимий хабарлар олдим. Бу эса ўртамиздаги мустаҳкам алоқани яна бир бор тасдиқлади.
Бутун дунё бўйлаб ўз иштиёқи ва қўллаб-қувватлаши билан ажралиб турган мухлисларга алоҳида раҳмат айтаман. Биз биргаликда унутилмас лаҳзаларни бошдан кечирдик, тарихий ютуқларга эришдик, қийинчиликларни енгиб ўтдик ва бу мамлакат тарихидаги алоҳида саҳифани ёздик. Бу хотиралар ва турк халқининг меҳрини қалбимда абадий сақлайман».
Монтелла 2023 йилдан буён Туркия терма жамоасини бошқариб келаётган эди. У жамоа билан бирга Евро-2024 ва 2026 йилги Жаҳон чемпионатига саралаш босқичларида муваффақиятли иштирок этган.
