Germaniyaning «RB Leypsig» klubi joriy mavsum yakunlanganidan so‘ng «Milan»ga tegishli hujumchi Kristofer Nkunkuni to‘liq sotib olishi mumkin. Bu haqda insayder Ekrem Konur ijtimoiy tarmoqdagi sahifasida xabar berdi.
Manba ma’lumotiga ko‘ra, fransiyalik futbolchining ehtimoliy transferi 28 million yevroga baholanmoqda. Nkunkuning «RB Leypsig» bilan amaldagi ijara kelishuvi 2027 yilning yozida yakuniga yetadi.
Hujumchi joriy mavsumda Germaniya Bundesligasida samarali o‘yin namoyish etmoqda. U hozirga qadar 5 ta uchrashuvda maydonga tushib, 4 ta gol urdi va 1 ta golli uzatmani amalga oshirdi.
Germaniya chempionatining dastlabki beshta turidan so‘ng «RB Leypsig» 9 ochko jamg‘arib, musobaqa jadvalida 5-o‘rinni egallab turibdi.
