"Fenerbaxche"ning sobiq bosh murabbiyi Domeniko Tedesko Turkiya chempionatiga qaytishi mumkin edi, biroq mutaxassis o‘ziga bildirilgan taklifni rad etdi.
Bu haqda Turkiyaning Fanatik nashri xabar bermoqda.
Manba ma’lumotiga ko‘ra, "Samsunspor" rahbariyati germaniyalik-italiyalik mutaxassisga jamoani boshqarish bo‘yicha shartnoma taklif qilgan. Biroq Tedesko ushbu taklifni qabul qilmagan.
Murabbiy avval ham Turkiya Superligasida ishlagan bo‘lib, mazkur chempionatda faqat "Fenerbaxche"ni boshqargan.
Tedeskoning so‘nggi ish joyi Italiyaning "Bolonya" klubi bo‘lgan. U joriy yil yozida jamoa boshqaruvini qo‘lga olgan, ammo atigi to‘rtta uchrashuvdan keyin iste’foga chiqarilgan.
Ayni paytda "Samsunspor" yangi bosh murabbiy izlash ishlarini faol davom ettirmoqda. Klub rahbariyati "Trabzonspor"ga qarshi o‘z maydonidagi 0:3 hisobidagi mag‘lubiyatdan so‘ng Torsten Finkni vazifasidan ozod etgan edi.
Hozirda "Samsunspor" Turkiya chempionatida 2 ochko bilan 17-o‘rinni egallab turibdi. Jamoa turnir jadvalining quyi qismida, Superligadan tushib ketish xavfi mavjud bo‘lgan hududdan joy olgan.
