"Atletiko" bosh murabbiyi Diyego Simeone himoyachi Kristian Romeroni anchadan buyon kuzatib kelganini tan oldi. Madridliklar o‘tgan yozda argentinalik futbolchini "Tottenxem"dan 33 million yevroga sotib olgan edi.
"Biz Romeroni ikki yil avval ham o‘z safimizga qo‘shib olmoqchi edik, ammo, afsuski, kutishimizga to‘g‘ri keldi.
U o‘ziga xos futbolchi. U jamoada obro‘-e’tiborga, kuchli xarakterga va yetakchilik fazilatlariga ega. Bu insonda yo bo‘ladigan, yoki umuman bo‘lmaydigan xislatlardir", — deya Simeonening so‘zlarini keltirmoqda Atletico Universe.
Romero "Atletiko" safida barcha musobaqalar doirasida 7 ta uchrashuvda maydonga tushib, bitta gol urdi.
Himoyachi o‘zining dastlabki va hozircha yagona golini Ispaniya La Ligasining 8-turida "Alaves"ga qarshi 2:1 hisobida yakunlangan uchrashuvda kiritgan.
