«Inter»ga qarshi chempionat o‘yinidan bir kun oldin «Bolonya» ertalabki mashg‘ulotni o‘tkazdi. Unda murabbiylar shtabi asosiy tarkibni uzil-kesil aniqlash ustida ishladi.
Jamoa uchun eng tashvishli xabar Rikkardo Orsolinining jarohati bilan bog‘liq. U «Lechche»ga qarshi uchrashuvda o‘ng son orqa mushagidan jarohat olgan.
Hujumchi taxminan uch hafta maydonga tusha olmasligi kutilmoqda. Shu bois u nafaqat «Inter»ga qarshi bahsni, balki 28 oktyabrga belgilangan «Milan» bilan o‘yinni ham o‘tkazib yuboradi. Bu «Bolonya» uchun jiddiy yo‘qotish, chunki mavsumning muhim pallasida jamoa hujumdagi asosiy futbolchilaridan biridan ayrildi.
