«Интер»га қарши чемпионат ўйинидан бир кун олдин «Болонья» эрталабки машғулотни ўтказди. Унда мураббийлар штаби асосий таркибни узил-кесил аниқлаш устида ишлади.
Жамоа учун энг ташвишли хабар Риккардо Орсолинининг жароҳати билан боғлиқ. У «Лечче»га қарши учрашувда ўнг сон орқа мушагидан жароҳат олган.
Ҳужумчи тахминан уч ҳафта майдонга туша олмаслиги кутилмоқда. Шу боис у нафақат «Интер»га қарши баҳсни, балки 28 октябрга белгиланган «Милан» билан ўйинни ҳам ўтказиб юборади. Бу «Болонья» учун жиддий йўқотиш, чунки мавсумнинг муҳим палласида жамоа ҳужумдаги асосий футболчиларидан биридан айрилди.
