Turkiyaning «Galatasaroy» klubi bosh murabbiyi Okan Buruk jamoaning hujumkor yarim himoyachisi Aleksey Batrakov haqida fikr bildirib, uning o‘yiniga yuqori baho berdi.
Eslatib o‘tamiz, shanba kuni «Galatasaroy» Turkiya chempionati doirasida «Genchlerbirligi»ni safarda 1:0 hisobida mag‘lub etgan edi.
«Batrakov maydonda yuqori darajadagi futbol intellekti, qat’iyat va jamoaviy o‘yinni ajoyib tushunish qobiliyatini namoyish etdi.
Ayniqsa, Leau maydonni tark etganidan keyin 4-4-2 taktik sxemasiga o‘tganimizda, uning chap qanotdagi harakatlari juda ta’sirli bo‘ldi.
To‘p bilan muomalasi, kombinasion hujumlardagi ishtiroki va himoyaga yordam berishi jamoamiz uchun muhim ahamiyat kasb etdi.
Batrakov — ajoyib jamoaviy futbolchi. U nihoyatda iqtidorli va yuksak fazilatlarga ega o‘yinchi. Kelajakda u yanada kuchliroq bo‘ladi. Biz undan juda katta umidlar kutyapmiz», — deya Burukning so‘zlarini keltiradi Düzce TV.
Qayd etish joiz, Aleksey Batrakov shu hafta «Galatasaroy» safidagi ilk golini urdi. Yarim himoyachi UEFA Chempionlar ligasi doirasida «Barselona»ga qarshi o‘tkazilgan uchrashuvda raqib darvozasini ishg‘ol qildi.
