«PSJ» himoyachisi Nunu Mendesh jarohat sababli bir necha haftaga safdan chiqdi. Bu haqda Fransiya chempioni o‘zining rasmiy sayti orqali ma’lum qildi.
Parij klubi matbuot xizmati portugaliyalik futbolchining sog‘lig‘i bilan bog‘liq vaziyat yuzasidan bayonot e’lon qildi.
«Nunu Mendesh «Strasbur»ga qarshi uchrashuvda chap sonidan jarohat oldi. Shu sababli u yaqin bir necha hafta davomida maydonga tusha olmaydi», — deyiladi klubning rasmiy xabarida.
Shu tariqa, portugaliyalik himoyachi «PSJ»ning 20 oktyabr, seshanba kuni «Barselona»ga qarshi o‘tkaziladigan Chempionlar ligasi 3-tur uchrashuvida aniq ishtirok etmaydi.
Bu yo‘qotish parijliklar uchun jiddiy muammo bo‘lishi mumkin. Chunki Mendesh jamoa himoya chizig‘ining muhim futbolchilaridan biri hisoblanadi.
Qayd etish joiz, Nunu Mendesh ayni paytda dunyodagi eng qimmatbaho chap qanot himoyachisi sanaladi. Transfermarkt portali uning transfer qiymatini 80 million yevroga baholamoqda.
Eslatib o‘tamiz, «PSJ» shanba kuni Fransiya chempionati doirasida «Strasbur» mehmoni bo‘lib, 3:1 hisobida g‘alaba qozongan edi.
Aynan shu uchrashuvda Nunu Mendesh jarohat olgan va endi bir necha hafta davomida jamoasiga yordam bera olmaydi.
