«Manchester Siti» bosh murabbiyi Enso Mareska jamoa hujumchisi Erling Xolandga muqobil variant sifatida Fil Fodendan foydalanishi mumkinligini bildirdi.
Italiyalik mutaxassis angliyalik futbolchining universalligini ta’kidlab, zarurat tug‘ilganda uni markaziy hujumchi pozisiyasida maydonga tushirishga tayyor ekanini aytdi.
«Foden avval ham ushbu pozisiyada o‘ynagan. Shuning uchun u yana markaziy hujumchi sifatida harakat qilishi mumkin. Biroq hozirgi paytda jamoamizning asosiy hujumchisi Erling Xoland hisoblanadi», — deya Mareskaning so‘zlarini keltiradi City Xtra.
Joriy mavsumda Foden barcha musobaqalarda 7 ta uchrashuvda maydonga tushib, 1 ta gol urdi va 2 ta golli uzatma amalga oshirdi.
Eslatib o‘tamiz, «Manchester Siti» 20 oktyabr kuni Chempionlar ligasi umumiy bosqichining 3-turida Gresiyaning AYEK klubini qabul qiladi. Uchrashuv Toshkent vaqti bilan 21 oktyabrga o‘tar kechasi soat 00:00 da boshlanadi.
