20 oktyabr, seshanba kuni «Manchester Siti» Chempionlar ligasi umumiy bosqichining uchinchi turida Gresiyaning AYEK jamoasini o‘z maydonida qabul qiladi. «Shaharliklar» markaziy himoyachisi Mark Gexi bo‘lajak uchrashuv haqida o‘z fikrlari bilan o‘rtoqlashdi.
«Biz raqibimizning juda yaxshi jamoa ekanini bilamiz. Ular ilk uchrashuvida g‘alaba qozonishgan, tarkibida esa katta tajribaga ega bo‘lgan kuchli hujumchilar bor.
Shuning uchun hushyorlikni yo‘qotmasligimiz kerak. Umid qilamanki, vazifamizni uddalab, uch ochkoni qo‘lga kiritamiz», — dedi Gexi klub matbuot xizmatiga bergan intervyusida.
