"PSJ" bosh murabbiyi Luis Enrike Chempionlar ligasida "Barselona"ga qarshi bo‘ladigan uchrashuv oldidan jamoasining o‘yin rejasi haqida fikr bildirdi.
Ispaniyalik mutaxassisning ta’kidlashicha, parijliklar kuchli raqibga qarshi ham o‘z uslubidan voz kechmaydi va to‘p nazorati orqali o‘yin tashabbusini qo‘lga olishga intiladi.
"Murabbiylik faoliyatim davomida biror marta ham to‘pni o‘z ixtiyorimiz bilan raqibga topshirishni xohlamaganman. Bunday jamoani mag‘lub etish uchun to‘pga egalik qilish kerak.
Biroq mavsum davomida siz kabi yoki hatto sizdan ham yaxshiroq o‘ynaydigan raqiblarga duch kelishingiz tabiiy.
Bunday vaziyatlarda o‘yinga moslashish va to‘pni imkon qadar tezroq qaytarib olish talab etiladi. Bu darajadagi uchrashuvlarda esa mazkur vazifani bajarish oson emas.
Maqsadimiz o‘zgarmaydi — pressingni yanada takomillashtirish va raqib maydonida hujumkor futbol namoyish etish", — dedi Enrike matbuot anjumanida.
Eslatib o‘tamiz, "PSJ" va "Barselona" o‘rtasidagi Chempionlar ligasi umumiy bosqichining 3-tur uchrashuvi 20 oktyabr kuni Parijda bo‘lib o‘tadi.
Bahs Toshkent vaqti bilan 21 oktyabrga o‘tar kechasi soat 00:00 da boshlanadi.
