"Aston Villa" argentinalik yarim himoyachi Emiliano Buendia bilan hamkorlikni davom ettirishga yaqin turibdi. Tomonlar yangi shartnoma bo‘yicha muzokaralarning yakuniy bosqichiga yetib kelishgan.
Mail Sport nashrining xabar berishicha, so‘nggi bir necha kun davomida o‘tkazilgan muzokaralarda sezilarli ijobiy o‘zgarishlar kuzatilgan. Klub va 29 yoshli futbolchi kelishuv muddatini 2029 yil yozigacha uzaytirishga yaqin.
Buendianing amaldagi shartnomasi joriy mavsum oxirida nihoyasiga yetadi. Yangi kelishuv imzolansa, argentinalik yarim himoyachi yana ikki mavsum davomida Birmingem klubi sharafini himoya qiladi.
So‘nggi bir yil Buendia uchun muhim davr bo‘ldi. Futbolchi asosiy tarkibdagi o‘rnini qayta qo‘lga kiritib, bosh murabbiy Unai Emerining ishonchini qozonishga muvaffaq bo‘ldi.
Ayniqsa, joriy mavsumdagi barqaror o‘yinlari uning jamoadagi mavqeini yanada mustahkamladi. Argentinalik futbolchi "Aston Villa"ning Premyer-ligadagi barcha uchrashuvlarini asosiy tarkibda boshlagan.
Buendianing muvaffaqiyatli harakatlari klub rahbariyatini u bilan uzoq muddatli hamkorlikni davom ettirishga undagan.
Ma’lumotlarga ko‘ra, tomonlar o‘rtasidagi muzokaralar ijobiy kechmoqda va yaqin orada yangi shartnoma bo‘yicha yakuniy kelishuvga erishilishi mumkin.
