«Komo» bosh murabbiyi Fransesk Fabregas Chempionlar ligasi guruh bosqichining 3-turidan o‘rin olgan «Manchester Yunayted»ga qarshi uchrashuv oldidan o‘z fikrlarini bildirdi.

Mazkur bahs 21 oktyabr kuni Italiya klubining uy stadionida bo‘lib o‘tadi.

«Manchester Yunayted» — ajoyib jamoa. Atigi uch yil avval, biz B Seriyada ishtirok etayotgan paytimizda, «Manchester Yunayted»ning «Sinigalya» stadionimizga kelishi mumkinligini hatto tasavvur ham qilolmasdik.

Ammo chorshanba kuni aynan shu voqea sodir bo‘ladi. Bu biz uchun orzuning ro‘yobga chiqishidir. Biz o‘z imkoniyatimizdan foydalanishga harakat qilamiz.

Bunday ajoyib uchrashuvlarga tayyorgarlik ko‘rish juda yoqimli. Biroq biz bir daqiqaga ham A Seriya o‘zimiz uchun eng muhim musobaqa ekanini unutmasligimiz kerak.

Har bir kun rivojlanishimiz yo‘lidagi muhim qadamdir. Biz yangi klubmiz. Bu bilan tariximiz yo‘q demoqchi emasman, balki uch yil avval hammasini noldan boshlaganimizni nazarda tutyapman.

Shu sababli turli vazifalarni hal qilishda juda ehtiyotkorlik bilan yondashishimiz kerak», — dedi Fransesk Fabregas.