"Kristal Pelas"ning hujumkor yarim himoyachisi Ismaila Sarr yanvar oyidagi transfer oynasi arafasida "Manchester Yunayted"ning qiziqish doirasiga tushgan. Bu haqda Teamtalk xabar bermoqda.
"Qizil iblislar" 28 yoshli senegallik futbolchini hujum qanotida yoki markazda o‘ynay oladigan o‘yinchi sifatida ko‘rib chiqmoqda. Shuningdek, afrikalik futbolchining xizmatlariga "Nyukasl" va "Sanderlend" klublari ham qiziqish bildirmoqda. APLdan tashqari, vingerda Turkiya va Saudiya Arabistonidan ham variantlar bor.
Sarr 2024 yil avgustidan buyon "Kristal Pelas" safida to‘p surmoqda. Transfermarkt portali mutaxassislari uning bozor qiymatini 45 million yevroga baholamoqda. Tomonlar o‘rtasidagi amaldagi shartnoma 2029 yil iyun oyi oxirida yakunlanadi.
