"Barselona" vingeri Entoni Gordon Chempionlar ligasida "PSJ"ga qarshi kechgan va 2:4 hisobidagi mag‘lubiyat bilan yakunlangan uchrashuv haqida o‘z fikrlarini bildirdi.
Fransiya grandi 81-daqiqada urilgan gol evaziga oldinga chiqdi, 86-daqiqada esa ustunligini yanada mustahkamladi.
"Uchrashuv sermahsul o‘tishi kutilgan holat edi. Bugun gollar bo‘lishini hamma bilardi, ammo men boshqacha natijaga umid qilgandim.
"PSJ" bizdan yaxshiroq o‘ynadi va g‘alabaga haqli ravishda erishdi. Raqib sifatliroq o‘yin ko‘rsatdi va jismoniy jihatdan yaxshiroq tayyorlangan edi. Ular ikki yildan buyon yuqori saviyani saqlab kelishmoqda.
Biz yaxshiroq o‘ynashimiz kerak. "Barselona"ni mag‘lub etish deyarli imkonsiz bo‘lgan jamoaga aylanishimiz lozim. Bizda hali o‘sish uchun imkoniyatlar bor", — deya Gordonning so‘zlarini keltiradi Barca Universal.
Ushbu mag‘lubiyat "ko‘k-anorranglilar" uchun joriy mavsumdagi ilk mag‘lubiyat bo‘ldi.
