Jurnalist Xavyer Bosh «Barselona»ning Chempionlar ligasi doirasida «PSJ»ga qarshi o‘tkazgan so‘nggi uchrashuvidagi o‘yini haqida fikr bildirdi. 20 oktyabr kuni Parijda bo‘lib o‘tgan uchinchi tur bahsi kataloniyaliklarning 2:4 hisobidagi mag‘lubiyati bilan yakunlandi.

Shunga qaramay, Boshning aytishicha, «ko‘k-anorranglilar» ijobiy natijaga erisha olmagan bo‘lsa-da, u Parijni yaxshi kayfiyatda tark etgan.

«PSJ» uchrashuvning katta qismida «Barselona»dan ustunlik qildi. Biroq jarohatlar, tarkibdagi rotasiya, hali optimal formaga kirib ulgurmagan Rafinya va oldinda turgan «El-klasiko»ga qaramay, «Barselona» 80-daqiqaga qadar mag‘lub bo‘lmayotgan edi.

Kataloniyaliklar bilan Chempionlar ligasining amaldagi g‘olibi o‘rtasida haqiqatan ham farq bor, ammo bu tafovut unchalik kattadek ko‘rinmayapti», — deya Boshning so‘zlarini keltiradi Barça Universal.