Moskvaning «Lokomotiv» klubining sobiq bosh murabbiyi Yuriy Syomin noyabr oyida Rossiya terma jamoasiga raqib topish borasida Rossiya futbol ittifoqi (RFI) olib borayotgan ishni yuqori baholadi.
Valeriy Karpin shogirdlari noyabr oyida O‘zbekiston va Venesuela terma jamoalariga qarshi maydonga tushadi.
«Federasiyamizga ofarin! Ular o‘rtoqlik uchrashuvlari uchun raqiblar topishmoqda va Rossiya terma jamoasi xalqaro o‘yinlarsiz qolmayapti. Jamoa FIFA reytingida pastlab ketmadi, shuning uchun oldiga yaxshi va qiziqarli vazifalar qo‘yilmoqda.
O‘zbekiston bilan o‘yin ancha qiziqarli bo‘ladi. Ular Jahon chempionati ishtirokchisi hisoblanadi. Uchrashuv aynan Toshkentda o‘tkaziladi. Bu muxlislar uchun ham qiziq bo‘ladi, terma jamoamiz uchun esa safardagi bahs hisoblanadi», — dedi Syomin «Chempionat» muxbiri Nikolay Baranov bilan suhbatda.
