Москванинг «Локомотив» клубининг собиқ бош мураббийи Юрий Сёмин ноябрь ойида Россия терма жамоасига рақиб топиш борасида Россия футбол иттифоқи (РФИ) олиб бораётган ишни юқори баҳолади.

Валерий Карпин шогирдлари ноябрь ойида Ўзбекистон ва Венесуэла терма жамоаларига қарши майдонга тушади.

«Федерациямизга офарин! Улар ўртоқлик учрашувлари учун рақиблар топишмоқда ва Россия терма жамоаси халқаро ўйинларсиз қолмаяпти. Жамоа ФИФА рейтингида пастлаб кетмади, шунинг учун олдига яхши ва қизиқарли вазифалар қўйилмоқда.

Ўзбекистон билан ўйин анча қизиқарли бўлади. Улар Жаҳон чемпионати иштирокчиси ҳисобланади. Учрашув айнан Тошкентда ўтказилади. Бу мухлислар учун ҳам қизиқ бўлади, терма жамоамиз учун эса сафардаги баҳс ҳисобланади», — деди Сёмин «Чемпионат» мухбири Николай Баранов билан суҳбатда.