«Барселона» бош мураббийи Ҳанс-Дитер Флик Чемпионлар лигаси 2026/2027 йилги мавсуми умумий босқичининг 3-турида «ПСЖ»га қарши ўйин (2:4) учун таркиб танлашда Испания чемпионатида «Реал»га қарши бўлажак учрашув ҳам таъсир кўрсатганини айтди.
«Класико қабул қилинган қарорларга таъсир қилди. Агар якшанба кунги рақибимиз «Реал» бўлмаганида, Родри асосий таркибда майдонга тушган бўларди.
Бу баҳона эмас, аммо футболчиларнинг етарлича тикланмагани сабабли хатоларга йўл қўйганимизни тушунишимиз керак. Жамоанинг сўнгги ҳафталардаги саъй-ҳаракатлари ҳайратланарли бўлди. Биз ушбу учрашувга етарлича тайёргарлик кўра олмадик. Вазият идеал эмасди ва тикланишга улгурмадик.
Содир бўлган воқеаларни таҳлил қилиб, келгусида айрим жиҳатларни яхшилашимиз керак. Бугун эса, шубҳасиз, жуда кўп яхши ишларни амалга оширдик», — деди Флик. Унинг сўзларини Footmercato нашри келтирди.
Эслатиб ўтамиз, Испания чемпионатининг 10-тури доирасидаги «Барселона» — «Реал» учрашуви 25 октябрь куни бўлиб ўтади. Баҳс Тошкент вақти билан 26 октябрь куни соат 01:00 да бошланади.
