«Barselona» bosh murabbiyi Hans-Diter Flik Chempionlar ligasi 2026/2027 yilgi mavsumi umumiy bosqichining 3-turida «PSJ»ga qarshi o‘yin (2:4) uchun tarkib tanlashda Ispaniya chempionatida «Real»ga qarshi bo‘lajak uchrashuv ham ta’sir ko‘rsatganini aytdi.
«Klasiko qabul qilingan qarorlarga ta’sir qildi. Agar yakshanba kungi raqibimiz «Real» bo‘lmaganida, Rodri asosiy tarkibda maydonga tushgan bo‘lardi.
Bu bahona emas, ammo futbolchilarning yetarlicha tiklanmagani sababli xatolarga yo‘l qo‘yganimizni tushunishimiz kerak. Jamoaning so‘nggi haftalardagi sa’y-harakatlari hayratlanarli bo‘ldi. Biz ushbu uchrashuvga yetarlicha tayyorgarlik ko‘ra olmadik. Vaziyat ideal emasdi va tiklanishga ulgurmadik.
Sodir bo‘lgan voqealarni tahlil qilib, kelgusida ayrim jihatlarni yaxshilashimiz kerak. Bugun esa, shubhasiz, juda ko‘p yaxshi ishlarni amalga oshirdik», — dedi Flik. Uning so‘zlarini Footmercato nashri keltirdi.
Eslatib o‘tamiz, Ispaniya chempionatining 10-turi doirasidagi «Barselona» — «Real» uchrashuvi 25 oktyabr kuni bo‘lib o‘tadi. Bahs Toshkent vaqti bilan 26 oktyabr kuni soat 01:00 da boshlanadi.
