Londonning «Arsenal» klubi yarim himoyachisi Deklan Rays «Bavariya» hujumchisi Xarri Keyn «Oltin to‘p»ni qo‘lga kiritishga loyiq ekanini ta’kidladi.
«U shubhasiz g‘olib bo‘lishi kerak. Uning statistikasi hammasini aytib turibdi. Keyn ajoyib yilni o‘tkazdi.
U juda zo‘r futbolchi. Keyn bilan bir jamoada o‘ynash imkoniyatiga ega ekanimdan xursandman, ammo unga qarshi maydonga tushishimga to‘g‘ri kelishi omadsizlik», — dedi Rays TNT Sports nashriga.
«Oltin to‘p»ni topshirish marosimi 26 oktyabr kuni Londonda bo‘lib o‘tadi. Keyn mazkur nufuzli mukofot uchun asosiy da’vogarlardan biri hisoblanmoqda.
Angliyalik hujumchi joriy mavsumda «Bavariya» safida barcha musobaqalar doirasida 10 ta uchrashuv o‘tkazib, 10 ta gol va 7 ta golli uzatma qayd etgan.
