"Bavariya" darvozaboni Manuel Noyer Chempionlar ligasi umumiy bosqichining 3-turida "Arsenal"ga qarshi o‘tkazilgan uchrashuv (2:2) haqida fikr bildirdi.
"Har ikki jamoa tengma-teng o‘yin namoyish etdi. Albatta, uchrashuvning so‘nggi daqiqalarida gol o‘tkazib yuborish alamli, ammo umumiy hisobda natija yomon emas.
Oldimizda yana bir nechta murakkab uchrashuvlar turibdi va bizdan g‘alabalar kutishadi. Shunchaki, o‘z ishimizni bajarishimiz va ochko to‘plashimiz kerak", — deya Noyerning so‘zlarini keltiradi Bayern & Germany.
"Bavariya" Chempionlar ligasining dastlabki uchta turida 5 ochko jamg‘arib, turnir jadvalida 14-o‘rinni egallab turibdi.
Vensan Kompani shogirdlari navbatdagi turda safarda Madridning "Atletiko" klubiga qarshi maydonga tushadi.
